Серыя адкрытых сустрэч для даследчыкаў і даследчыц, прысвечаная метадам працы на скрыжаванні гуманітарных, сацыяльных і тэхналагічных навук. Семінар стане платформай для абмену ведамі, дыскусій і распрацоўкі навуковых падыходаў, актуальных для Беларусі. Запуск плануецца ў 2025 годзе.

Ініцыятыва, скіраваная на развіццё асветніцкіх практык: публічныя лекцыі, адкрытыя дыскусіі і анлайн-курсы, прысвечаныя гісторыі, мове, культуры і сучаснасці Беларусі. Мэта — пашырыць беларускую прысутнасць у міжнароднай адукацыйнай прасторы і падтрымаць культуру крытычнага мыслення.

Запуск акадэмічнага часопіса, прысвечанага аналізу сучасных працэсаў у Беларусі і рэгіёне. Часопіс будзе публікаваць артыкулы беларускіх і замежных аўтараў, прапаноўваючы навуковую дыскусію пра выклікі і перспектывы краіны. Першы нумар плануецца ў 2026 годзе.