Мы верым, што вялікія ідэі нараджаюцца там, дзе розныя супольнасці аб’ядноўваюцца дзеля агульнай мэты.

Таму мы адкрытыя да партнёрстваў з адукацыйнымі і даследчымі інстытуцыямі, грамадскімі арганізацыямі, медыя, фондамі і бізнесам, якія падзяляюць нашы прынцыпы акадэмічнай свабоды, беларускай ідэнтычнасці і еўрапейскіх каштоўнасцей.
Для нас партнёрства – гэта магчымасць дзяліцца ведамі, узбагачаць адно аднаго і разам будаваць асяроддзе, дзе беларускія даследаванні і адукацыя маюць свой голас у свеце.

Формы партнёрстваў

Мы адкрытыя да розных фарматаў супрацоўніцтва і гатовыя шукаць гнуткія рашэнні разам з партнёрамі.
Падтрымка можа мець фінансавы характар, але не абмяжоўваецца ім.

Гэта таксама:
– супольныя адукацыйныя і даследчыя праграмы,
– абмен экспертызай і рэсурсамі,
– арганізацыя публічных дыскусій,
– медыйныя праекты,
– стыпендыяльныя ініцыятывы,
– ментарства і кансультаванне.

Мы адкрытыя да новых ідэй і прапаноў – партнёрства для нас гэта, перш за ўсё, сумеснае дзеянне дзеля будучыні, у якой беларуская навука і адукацыя займаюць годнае месца ў свеце.

Каго шукаем

Адукацыйныя ўстановы
Даследчыя цэнтры і даследчыкі
СМІ і медыя

Фонды і донары
Грамадскія ініцыятывы і арганізацыі
Бізнес і кампаніі

Нашыя партнёры

Belarus Beehive Belarus Beehive – гэта платформа, якая аб’ядноўвае і падтрымлівае беларускія ініцыятывы ў галіне адукацыі, культуры і грамадзянскай супольнасці. У кантэксце нашага ўніверсітэта яна адыгрывае ролю партнёра ў развіцці арганізацыйных і камунікацыйных магчымасцей, дапамагае будаваць сеткі і наладжваць узаемадзеянне з іншымі праектамі.

Еўрапейскі саюз аказвае падтрымку ініцыятыве стварэння Беларускага даследчага ўніверсітэта праз фінансаванне і стымуляванне міжнароднага акадэмічнага супрацоўніцтва.

German Marshall Fund – адна з ключавых трансатлантычных арганізацый, якая падтрымлівае дэмакратыю, правы чалавека і грамадзянскія ініцыятывы.

Калі вы бачыце сябе сярод партнёраў Універсітэта Валовіча – мы адкрытыя да дыялогу і новых ініцыятыў.